Weihnacht
Die Heilige Nacht
war geborn mit dem Kind
vor zwoatausend Jahr
drüber g´waht hat der Wind.
Hätt nix ändern dran kinna
an der Nacht- hell und kloa
an dem Kind- in da Krippn
is alls bliebn- so,wias war!
Wird a ewig drin lebn
in an guatn Menschenherz
jed´n Hass überwind´n
und vertreibn jed´n Schmerz.
Weil dös Kind in da Krippn
is as ewige Lebn-
dös da Herrgott uns g´schenkt hat
mehra Liab kanns net gebn.
Wieder feiern ma d´Weihnacht
mit an Herz- offen- weit-
für dö Liab zu dem Kinderl
in a liablosn Zeit!
Ein Gedicht von meiner lieben Mama und Künstlerin Gerti Buttinger
Wir wünschen allen eine friedliche Weihnachtszeit
und ein gesegnetes " Neues Jahr" 2022!
Keine Kommentare:
Kommentar veröffentlichen